Doelwitte van die jeugraad vir 2010
Polsslag 2010
Inligtingsbrief vir Transvaalse Verkenners
Inligtingsbrief vir Vrystaat, Kaapland en Namibië
Inskrywingsvorm
Wat op die Nationale jeugraadsvergadering gebeur. . .
Gebiede se jeugrade
Transvaal Vrystaat Kaapland Namibia
Nasionale jeugraad 2009/2010
Voor van links na regs: Constanse du Toit, Helené-Mari Janse van Rensburg, Estelle Potgieter, Hestie van der Schyff en Nicolette Koukeas (voog)
Agter van links na regs: Kobus van der Merwe (voog), Reuben Louw, Christiaan Naudé, AHL Willem Petzer, Christo van Staden, Coenraad Strydom en Wiehann Fourie.
Gebiedsjeugrade vir die eerste keer almal saam om ’n verskil te maak
“Die man wat sê dit kan nie gedoen word nie, moenie die man onderbreek wat dit doen nie.” Van 7 tot 10 Augustus het al die Gebiedsjeugrade van die Voortrekkers op Hartebeesfontein, net buite Pretoria, bymekaargekom om die kwessies wat ons dink alle Verkenners raak, aan te spreek.
Vir die eerste keer is dié naweek nie net vir die Nasionale Jeugraad gehou nie, maar vir al die Gebiedsjeugraadlede, om sodoende beter koördinasie en samewerking tussen hierdie twee groepe in werking te stel.
Realistiese, meetbare en haalbare doelwitte is opgestel en die implementering daarvan is uit elke hoek bekyk. Hierdie doelwitte is grotendeels gebaseer op die derde pilaar van die Voortrekkers wat onlangs by die Nasionale Kongres goedgekeur is, naamlik om die jeuglede van die Voortrekkers te behou. Daar is byvoorbeeld besluit om die Voortrekkers beter aan ouers bekend te stel, skole ten gunste van die Voortrekkers te beïnvloed en die oorgang van PD na Verkennerlewe vinniger en meer inspirerend te laat verloop.
Nuwe, kreatiewe aksies is geloods, onder andere ’n Nasionale Jeugberaad te Vegkop. Tydens dié beraad sal Verkenners nie net die geleentheid kry om hul mening oor aktuele kwessies in die Voortrekkers te lug nie, hulle sal ook die gebeurtenisse by Vegkop eerstehands beleef deur middel van ’n skyngeveg tussen Boer en Brit.
Hierdie is ’n groep entoesiastiese Verkenners self meer Voortrekkers uit hul eie gemeenskap wil werf om so groei in ledetal te verseker. Hulle is vasbeslote om nooit terug te staan vir hindernisse nie, maar om as ’n groep stelling in te neem en die werk met vreugde en oorgawe te doen.
Constanse du Toit
